Në arkivin e Vrapçishti TV po shtojmë një video të veçantë që sjell pamje nga lart të vendbanimit tonë.
Këto pamje janë realizuar nga bashkëvendësi ynë nga Vrapçishti, Yeton Ilyazi, i cili jeton në Zvicër. Në video shihen pamje të përgjithshme të Vrapçishtit, lagjet, shtëpitë, rrugët dhe bukuritë natyrore që e rrethojnë vendin tonë.
I vendosur rrëzë Malit Sharr, Vrapçishti nga kjo perspektivë na shfaqet me një bukuri të veçantë, duke bashkuar kujtesën, vendlindjen dhe jetën e përditshme.
Kjo video ka një domethënie të veçantë për të gjithë Vrapçishtasit, sidomos për ata që jetojnë larg vendlindjes. Ndonjëherë mjafton një rrugë, një çati apo një pamje nga larg për të zgjuar kujtimet më të bukura për vendin ku kemi rrënjët.
Si Vrapçishti TV, do të vazhdojmë të ruajmë dhe të ndajmë pamje të tilla si pjesë e kujtesës digjitale të vendit tonë.
Falënderojmë bashkëvendësin tonë Yeton Ilyazi për këto pamje të bukura.
